9 de dec. de 2015

E SEGUIMOS DESTAPANDO NO CALENDARIO

 El rey Reinaldo quiere un caldo


O libro é un colorido álbum ilustrado para nenos de pequerrechos.
Este libro é un pouco especial porque a súa lectura e participativa e activa.



Nas súas páxinas nárranse as aventuras que o Rei Reinaldo ten que pasar cando se lle antolla tomar un bo caldo de tomate. Coma non ten tomates na súa despensa ten que saír a buscalos.  Atópase cun león e un oso que lle pechan o paso, sucédense caídas, golpes, sustos... na procura dos ansiados tomates.
Ao final, consegue os tomates e faise o caldo, e xustiño cando o ía tomar... un esbirro!

Se queres saber como segue, terás que pasar páxinas ata chegar a última na que atoparás a sorpresa final


Regálame un beso



Es quen de agasallar un bico? 
Doce, salgado, agarimoso, de caramelo, de papel...?
Bicos envoltos en papel de agasallo, escondidos en botellas perdidas, esquecidas na dobreces  dun vestido...

Neste libro descubrirás novos bicos!
Agasállame cun bico para esta noite por se me custa durmir. Que sexa doce, por se vai frío e non estás comigo.
Que sexa valente, por se acaso.


Envólvemo como queiras: con palabras ou aloumiños, cunha mirada...

 
Agasállame cun bico que non se gaste, que poida gardar no peto e tocalo cos dedos mentres paseo unha tarde de inverno.
Un bico que sexa de conto de princesas con final aberto, que me rescate de desertos e naufraxios, que me leve lonxe e me chegue ao corazón, que me de as boas noites e me esperte sen que se rompa o que soño.

Atrévete  con este libro e aprende a bicar!



Ningún comentario:

Publicar un comentario