20 de dec. de 2012

PARA XOGAR EN NADAL

É tempo de desconectar, de descansar... aínda que tamén vos apetecerá usar estes xogos e ademáis seguro que lle sacaredes moito proveito.
BO NADAL NEN@S!!!!

(CLICADE NOS TÍTULOS)

XOGOS DE LÓXICA E MEMORIA

USA O COCO...

USA AS NEURONAS...

17 de dec. de 2012

FELICES FESTAS!!

Con estas imaxes e esta panxoliña, o Equipo da Biblioteca quere desexar a toda a comunidade educativa un Nadal moi feliz e un Ano Novo cargado de boas cousas.


14 de dec. de 2012

GUÍA DE NADAL

Aquí quedan as nosas recomendacións lectoras para que neste Nadal poidan ir nas cartas que lles mandedes ós Reis ou a Papá Noel.

Recordade: UN LIBRO É UN ESTUPENDO AGASALLO!

(PARA AGRANDAR PINCHAR NAS FLECHAS)

6 de dec. de 2012

NO NADAL...



 Achégase o nadal, xa falta moi pouquiño!. Nós, ademáis de adornar o recuncho das exposicións, incluíndo libros con temática de Nadal, tamén puxemos a Pepiño moi navideño.


Aquí deixamos varios enlaces e vídeos para que disfrutedes (e de paso, aprendades cousiñas...)

 Para velo, clica no título:    O NADAL DE BRUNELO

 PARA OS MÁIS PEQUECHOS: LIM: VIVA O NADAL!

 EN GALEGO/CASTELÁN/ENGLISH:  DEAR SANTA

A grande poetisa dos nenos Gloria Fuertes fixo este poema de nadal que ela mesma recitou con esa voz tan peculiar que tiña:
EL CAMELLO COJITO


O noso cantautor Tino Baz ofrécenos:
 BUSCANDO UNHA ESTRELA




Se queredes saber como celebran estas datas noutros sitios do mundo clicade neste  aquí:




28 de nov. de 2012

HORA DE LER/ BIBLIOTECAS DE AULA

Que a lectura é fundamental nas aprendizaxes dos nosos nenos e nenas tod@s o temos claro. No cole xa levamos uns anos apostando por ela dende o que demos en chamar HORA DE LER que figura nos horarios oficiais de todos os cursos, dende infantil a 6º.

Que facemos na HORA DE LER? Pois...lemos! e que lemos? Pois...todo tipo de libros, xornais, revistas... que traemos das casas e compartimos cos compis, que collemos da Biblio...

Aquí quedan as imaxes dos recunchos de lectura das aulas. Todos eles ben fermosos e orixinais. Levamos a aula ás casas para que as vexades, seguro que vos gustarán... (Se clicades nas catro flechas, disfrutarédelas en grande)

VISITOUNOS UN ESCRITOR

O alumnado de 6º curso leva todo o trimestre lendo un libriño que lles encantou.  O outro día achegáronse á Biblio porque recibiron a visita do seu autor.


Compartiu con eles as súas experiencias e firmoulles nos seus libros. Remataron facéndose unha foto todos xuntos demostrando que foi unha experiencia moi agradable.





GRAZAS POR VIR!   GRAZAS POR ESCRIBIR!

21 de nov. de 2012

25 NOVEMBRO: DÍA INTERNACIONAL CONTRA A VIOLENCIA DE XÉNERO



O vindeiro 25 de novembro celébrase o día internacional contra a violencia de xénero. Dende BIBLIOPEPIÑO queremos aportar o noso pequeno gran de area nesta loita.


Buscamos un recuncho dentro da Biblio para expor os nosas LECTURAS PARA A IGUALDADE.




Aquí quedan estos videos para que tod@s reflexionemos:
O alumnado do CEIP MANUEL RODRIGUEZ SINDE fixo este videoclip de repulsa á violencia de xénero. NORABOA polo traballo e GRAZAS por compartilo.


Dende a XUNTA DE ANDALUCÍA con música:



SORKUNDE: unha supermamá



MULLERES E HOMES QUE ROMPEN ESTEREOTIPOS


Agora un contiño ROSA CARAMELO de Adela Turín

20 de nov. de 2012

E AGORA...CINE!!



Pois si, este curso, atrevémonos con 

todo! Inauguramos... sesións de cine no recreo!! Bueno, esta vez foi un documental en forma de debuxos que nos ensinou a coidar os nosos dentiños.

Acudiron moitos nenos e nenas e polas caras que puñan debeu de gustarlles moito así que...en breve repetiremos a experiencia.

RESOLVEMOS UN MISTERIO

Cando vos ensinamos o recuncho de novembro, deixamos a Pepiño debaixo dun paraugas cun letreiro que puña CHUVIA DE PALABRAS.

                                                     Pois hoxe, traemos o misterio resolto: apareceron as palabras!!. Como estamos cerca do inverno, os nenos e nenas de 1º, aproveitaron para estudar vocabulario do inverno e encheron a corcheira de gotas e paraugas nos que escribiron palabriñas relacionadas con esa estación.
ATA LLE PUXERON PALABRAS NA BUFANDA!

Que boa idea!!!! Mirade as fotos!!!




GRAZAS NENOS E NENAS DE 1º E TAMÉN ÁS MESTRAS!

14 de nov. de 2012

NOVA ACTIVIDADE NA BIBLIOTECA

Estrenamos actividade na Biblio!!! Unha das nosas AXUDANTES DA BIBLIO ....contounos un conto!!!




Uns días antes, fixemos publicidade con este carteliño.









Chegou o día e...CANDELA (que contaba o conto) estaba un pouco nerviosa e tamén UXÍA (que foi a súa axudante). Chegou o público e empezou o conto...












Creo que lles gustou moitísimoooooooo porque aplaudiron moito e mirade que cariñas de felicidade!



GRAZAS CANDELA, GRAZAS UXÍA  POR ALEGRARNOS A MAÑÁ!!!

12 de nov. de 2012

CITAS LECTORAS

No mes pasado, pedimos ás nosas familias que en compañía dos nenos e nenas, plasmasen no papel CITAS LECTORAS. Como xa imaxinábamos porque sempre é así, as familias responderon estupendamente. Encheron a corcheira de preciosas CITAS, inventadas ou recollendo as palabras de quen as dixo. Os nen@s trouxéronnas con moita ilusión e nós, fómolas colgando. Aquí quedan as imaxes.



MOITAS GRAZAS ÁS FAMILIAS!!!!!!!!!!!!!!

6 de nov. de 2012

NOVEMBRO





Onte cando chegamos ó colexio...menuda sorpresa!. No recuncho da Biblio, estaba PEPIÑO coma sempre, bueno coma sempre non !!, estaba tapado cun paraugas e abrigado cunha bufanda!. Ahh, que susto!...








Seguimos mirando e...do teito colgaban uns paraugas de moitas cores!!





Non entendíamos nada ata que vimos o cartel do sitio onde se expoñen os libros:

So quedou unha cousiña sen resolver:: no paraugas de Pepiño estaba pegado un carteliño que dicía: CHUVIA DE PALABRAS, ¿Que palabras? Pronto resolveremos o misterio...mentras esperamos aquí quedan as imaxes.

LIBROS PARA O INVERNO



O RECUNCHO QUEDOU MOI VISTOSO, ESPERAMOS QUE VOS GUSTE!!  

4 de nov. de 2012

ACHÉGASE O MAGOSTO






O vindeiro venres día 9 celebraremos no colexio o magosto. Para ir preparándonos, seguro que queredes saber máis cousas sobre

 O CASTIÑEIRO e AS CASTAÑAS (clica no título)

QUE RICAS!!!!!!
Seguro que despois de todo o que lestes gustaravos xogar un pouquiño. Así que aquí queda este LIM  feito no CEIP JUAN FERNÁNDEZ LA TORRE ó que agradecemos moito que o compartan porque seguro que vos gustará, hai para tod@s pequechos e grandes. A que esperas, CLICA e empeza!
       
O MAGOSTO


E...so para os máis pequechos dende o CRA RAIÑA ARAGONTA aquí vos deixo este LIM


31 de out. de 2012

SEMANA DOS CONTACONTOS 2012

Xa pasou. Foi unha semana cargada de ilusión, dos máis pequenos porque escoitaban con moita atención ós seus compis máis maiores e, dos máis maiores porque deixaron atrás a vergoña e fixeron disfrutar moito ós seus compis.
Para comprobalo, aquí quedan as imaxes. (Disfrutádeas en grande, merece a pena)
 MARABILLOSAS!!

29 de out. de 2012

CONTO VIAXEIRO

Aquí queda, por 3º ano o conto viaxeiro do curso pasado que, como ben di a palabra viaxou de aula en aula para que fose escrito e debuxado polos nenos e nenas, esta vez en forma de poesía.

Damos as grazas á profe LUCÍA que, coma sempre, se encargou de pasalo a vídeo, anque este ano...superouse, quedou moi fermoso, ata ten música!!! ESTA PROFE É UNHA ARTISTA!!!!!!!!!!!!!Tamén agradecemos á profe M.JOSÉ os arreglos finais.


video
(CLICAR NAS FLECHAS PARA VELO GRANDE)
DISFRUTÁDEO MOITO!!

28 de out. de 2012

CHEGA O SAMAÍN!

A calor vaise, chega o frío. Aparecen as castañas e...as cabazas! Chega o Samaín.

O mércores, despois do recreo, celebraremos no cole unha gran festa de Samaín. Ata entón aquí vos deixo este video cunha canción de MAMÁ CABRA o que lle puxeron imaxes no CEIP MESTRES GOLDAR


TERRORÍFICO!!!!!!!!!!!!!!!!!!!!!!!!!!!!!!!!!!

Deixamos tamén uns LIM que con tanta xenerosidade comparten as súas autoras:

ANA MARTINEZ REY fai esta marabilla para os máis pequechos:

Dende o CEIP A PEDRA de BUEU e, para os máis grandiños achégamos estoutra marabilla:


(CLICADE NOS TÍTULOS)

Ademáis dentro da BIBLIO xa hai días que levades disfrutando unha caixiña que so abren os máis valentes porque ten...LECTURAS PARA TREMER,,que tamén temos expostas no lugar habitual de exposicións.



FELIZ SAMAÍN!!!!!!!!!!!!!!!!

25 de out. de 2012

A VIAXE DAS MOCHILAS VIAXEIRAS


Mañá venres, día 26 de outubro, tal como estaba programado, as MOCHILAS VIAXEIRAS inician a súa andaina e chegarán ás casas do alumnado para enchelas de boas lecturas, música, pelis...



Non vos esquezades antes de devolvelas de escribir no CADERNO VIAXEIRO as vosas opinións e suxestións.



Esperamos que todas as familias as disfruten, foron preparadas polo profesorado con moita ilusión.

21 de out. de 2012


Seguimos en outubro que coma xa vos adiantamos, foi declarado MES INTERNACIONAL DAS BIBLIOTECAS ESCOLARES.
Continuando coas actividades propostas,esta semana reunimos unhas cantas que seguro que vos encantarán.

AQUÍ AS TEDES:


QUE AS DISFRUTEDES!!!!!!!!!!!

17 de out. de 2012

AQUÍ ESTÁ O OUTONO

Aquí vos deixo este LIM,xa sabedes eses libriños cheiños de actividades para que repasedes cousiñas do outono. Grazas ás autoras por facer e compartir! CLICADE NO TÍTULO QUE VOS GUSTARÁ!!!!

                          O OUTONO

 A nosa compañeira Ana Martinez, tamén nos acerca a esta época do ano con este Lim tan ben feitiño coma nos ten acostumados.CLICA NO TÍTULO!!!!!

                        ESTAMOS EN OUTONO

14 de out. de 2012

COLABORAN AS FAMILIAS

Comenzando o mes de outubro, e, para celebrar que adicamos este mes ás Bibliotecas Escolares, invitamos ás nosas familias a encher as corcheiras da entrada de CITAS LECTORAS, famosas ou ideadas por eles, reflexionando en familia o que significa a lectura e os libros.

A experiencia doutros cursos dicíanos que a colaboración ía ser moita e moi variada e así está sendo. Mediado outubro imos mostrando o que está chegando, traballos estupendos!  cheos de imaxinación e creatividade que esperamos que motiven ós que faltan por chegar. 














Coma sempre...moi agradecidos por estas colaboracións, sabemos que contamos cunhas familias estupendas!



10 de out. de 2012

IMOS COÑECER UN POUCO MÁIS O NOSO POBO

Este curso, a Biblioteca Escolar, impulsa con ilusión un novo proxecto, complementando o que fixemos hai dous cursos sobre o castro de Santa Trega.

Agora, baixamos do monte cara o pobo e, entre tod@s, imos intentar coñecelo un pouco máis, por iso o titulamos: COÑECE O TEU POBO.

Coma na outra ocasión foi JAVIER CRESPO, profesor de Historia no IES A Sangriña e concelleiro de Patrimonio do concello da Guarda, o que nos fixo ós mestres e mestras un percorrido polo patrimonio do noso pobo  por medio desta
fermosa presentación
(PLAY-MORE-FULLSCREEN PARA VELO EN GRANDE)



Resultou sumamente interesante polo que lle damos as grazas e agora toca elexir o tema que mellor se adapte a cada aula participante e...MANS Á OBRA! 


SEGUIREMOS INFORMANDO!!!

4 de out. de 2012

AXUDANTES DA BIBLIOTECA NESTE CURSO

O vindeiro luns 8 de outubro...por fin!! poremos en marcha a Biblioteca escolar que estará xa preparadísima para:

  • Ir cos prof@s en busca de libros ou informacións.
  • Vir no recreo a ler ou a outras sorpresiñas que vos temos    preparadas...


Para axudar nas tarefas do recreo xa hai dous cursos que contamos cos nenos máis maiores, aínda que este curso son moitos, moitos, tantos que...son a clase enteira de 6º!!!!

CLICA ENCIMA PARA VELOS GRANDES!


Aquí os tedes ben colocadiños e formais dispostos para a súa labor. Ademáis de axudarvos cos libros, de cando en vez...farán de CONTACONTOS para vós!!!!!!!!!!! Cando así sexa, anunciarémolo para que poidades vir a ver o ben que o que fan.

MILES DE GRAZAS RAPACES!!!!!!!!!

2 de out. de 2012

OUTUBRO: MES DAS BIBLIOTECAS ESCOLARES

Xa chegou outubro declarado MES INTERNACIONAL DAS BIBLIOTECAS ESCOLARES. Para empezar, a profe MARTA e a profe ANA (de apoio) tiveron unha xenial idea para ambientar a zona de exposicións. Unhas cousas levaron a outras, fomos incorporando novas ideas e...

                                 VELAQUÍ ESTÁ!!!!!!!!!!

Aquí queda en imaxes o fermoso e outonal que quedou o recuncho.
                     (clicade encima para velas grandes)


AS LETRAS BAIXAN POLA PLANTA...QUE PON?

                         FOLLAS, PÓLAS DE CARBALLO, UNHA GRANADA...

















UNHA CESTIÑA Ó SEU LADO ...OUTONAL!



Pero, non botades  en falta a alguén? Claro...PEPIÑO!!!
Non vos preocupedes porque con tanta cousa, tivo que cambiar de sitio. Aínda así está...cerca, moi cerca...


Ó longo do mes serán varias as actividades que faremos...
ESTADE ATENTOS, SEGUIREMOS INFORMANDO!!!!